Tu Noj najil xook UICAM k chíimpoltik yéetel k ts’áaik ki’imak óolal ti le Aj ka’ansajo’ob Adrián Cetina Catzín yéetel ti’ Alberto Velázquez Solís le úuchik u táakpajlo’ob ti’ le much’táambal «Iknalo’ob yéetel Conocimientos: Much’táambal ti’ Ciencias Sociales e Interculturalidad. Le múch’táambala’ nu’ukta’ab tumen Universidad Intercultural Maya ti’ Quintana Roo, tu’ux tu ts’ajo’ob Noj tsolt’aano’ob tu yo’ola’al u siibal u máanja’an ch’i’ibal maaya kaaj yaan yil yéetel tuláakal jejeláas kuxtalilo’ob pa’ate’chaja’an yéetel u miatsil beyxan yéetel u lu’umo’ob, tu táan le talamilo’ob ku táasik le nukuch meyajo’ob ku tukulta’al u beeta’alo’ wa megaproyectos
Le tsolt’aano’obo’ ku muuk’a’ankúunsik much’tsikbalo’ob utia’al Noj ojéelalo’ob ichil miatsililo’ob.
Le úuchik u táakpajal le Ajka’ansajo’ob ti’ le much’táambala’, ku muuk’a’ankúunsik tuláakal le meyaj yaan tu ba’apachil u tsikbalil ojéelajo’ob tu Noj najil xook UICAM. Yéetel ku chíikbesik jach u ts’áamaj u yóolo’ob meyaj beyxan ku ye’esik chi’ichnako’ob tu yo’ola’al ba’ax táan u yúuchul yéetel u lu’umo’ob beyxan yéetel u kuxtal máaswal kaaj wey te’ Noj lu’uma’.
Desde la UICAM felicitamos a los profesores Adrián Cetina Catzín y Alberto Velázquez Solís por su destacada participación en el evento «Iknalo’ob y Conocimientos: Encuentro de Ciencias Sociales e Interculturalidad».
Evento organizado por la Universidad Intercultural Maya de Quintana Roo, en el cual compartieron valiosas ponencias sobre patrimonio biocultural y territorios indígenas frente a los megaproyectos; temas que abonan al diálogo académico y al fortalecimiento del conocimiento intercultural.
Estas intervenciones fortalecen el trabajo de la UICAM en torno al diálogo de saberes, y reflejan tanto el compromiso como la preocupación de nuestros docentes por las realidades de los Pueblos Originarios del país.
